BMT baş katibinin Cənubi Qafqaza səfəri təxirə salınıb Siyasət

BMT baş katibinin Cənubi Qafqaza səfəri təxirə salınıb

BMT baş katibi Pan Gi Munun aprelin sonunda Cənubi Qafqaz regionuna planlaşdırılan səfəri təxirə salınıb.
Bunu BMT-nin İrəvan ofisinin ictimaiyyətlə əlaqələr idarəsinin rəhbəri Armin Halacyan baş katibin mətbuat katibi Stefan Dyujarrikə istinadən bildirib.
"Dyujarrik dedi ki, baş katib regiona səfər etməyi çox istəyirdi, lakin təcili səbəblər üzündən bu günlərdə başqa yerdə olmalıdır. Cənubi Qafqaz respublikalarına səfərin vaxtı yenidən nəzərdən keçiriləcək", - deyə o vurğulayıb.
BMT-nin Bakıdakı ofisi səfərin təxirə salınması ilə bağlı xəbəri təsdiqləyib.
Qeyd edək ki, BMT baş katibinin Bakıda Sivilizasiyalar Alyansının 7-ci qlobal forumunda iştirakı planlaşdırılırdı.