“Azərbaycan həmişə etibarlı tərəfdaş kimi çıxış edib. Bu ayrı-ayrı dövlətlərlə ikitərəfli münasibətlərdə, eyni zamanda dünyanı narahat edən qlobal problemlərin həlli ilə bağlı verdiyi töhfələrdə özünü göstərir”. Xalqcəbhəsi.az xəbər verir ki, bu fikirləri Milli Məclisin sədri Sahibə Qafarova parlamentin bu gün keçirilən plenar iclasında çıxışı zamanı ABŞ konqresinin bir qrup üzvünün dövlət departamentinə müraciəti ilə bağlı danışarkən deyib. Spiker bildirib ki, Azərbaycan müstəqil daxili və xarici siyasət həyata keçirən, ərazi bütövlüyünü öz gücünə həyata keçirən dövlətdir: “Dövlət başçısının dediyi kimi heç kim bizimlə diktə dilində danışa, daxili işlərimizə müdaxilə edə bilməz”.