Azərbaycanın vətəndaş cəmiyyəti təmsilçiləri Mixail Qorbaçovun mükafatdan məhrum edilməsi üçün Norveç Nobel Komitəsinə məktub ünvanlayıb.

Xalqcebhesi.az xəbər verir ki, müraciət müəllifləri hesab edirlər ki, 1990-cı il 20 Yanvar hadisələrindən sonra, Qorbaçovun əmri ilə sovet qoşunlarının Bakıda hərbi əməliyyat keçirdiyi bir vaxtda ona Nobel mükafatının verilməsi qurbanların xatirəsini təhqir edir və mükafatın mənəvi nüfuzunu zədələyir.

Onlar ümid edirlər ki, komitə ədaləti bərpa edəcək qərar qəbul edərək Qorbaçovu mükafatdan məhrum edəcək və bu, dünya ictimaiyyətinin Nobel dəyərlərinə olan inamını gücləndirəcək.