Zəlzələnin baş verdiyi ilk andan etibarən Azərbaycanın rəsmi dövlət qurumları - Xarici İşlər Nazirliyi və Fövqəladə Hallar Nazirliyi Türkiyəyə yardım üçün hər zaman hazır olduqlarını bildirdilər.
Report xəbər verir ki, bunu Türkiyənin Azərbaycandakı səfiri Ərkan Özoral jurnalistlərə açıqlamasında bildirib.
Onun sözlərinə görə, zəlzələ olan andan Azərbaycan tərəfi müvafiq addımlar atıb:
"Bu istiqamətdə yanımızda oldular. Hər iki ölkənin səfirlikləri və müvafiq qurumları vasitəsilə əlaqə saxlanılıb. Azərbaycan Türkiyədəki zəlzələ ilə bağlı lazım olan bütün yardımları edib".
Qeyd edək ki, 24 yanvarda Elazığ və Malatyada 6.8 bal gücündə zəlzələ baş vermişdi. Artıq bir neçə gündür davamlı olaraq Türkiyənin müxtəlif bölgələrində zəlzələlər davam edir.