“Döyüş meydanında və dünya ictimaiyyəti arasında etibarını sürətlə itirən Ermənistanın sərhədə təxminən 70 km məsafədə yerləşən Gəncə şəhərində mülki əhalini hədəf seçməsi insanlıq əleyhinə cinayətdir”.

Bu barədə Türkiyənin Vitse-prezidenti Fuad Oktay “Twitter”də bildirib.

“Məsum insanların canına qəsd edən bu xain hücumu lənətləyir, qardaş Azərbaycan xalqına başsağlığı verirəm”, - deyə F. Oktay qeyd edib.