Azərbaycanda səfərdə olan Türkiyə Ali Məhkəməsinin Baş Prokuroru Bekir Şahinin başçılıq etdiyi nümayəndə heyəti Gəncədə Vətən müharibəsi dövründə ermənilərin raket atdığı ərazidə olub.

APA-nın yerli bürosunun xəbərinə görə, Azərbaycanın Baş Prokuroru Kamran Əliyevlə birgə əraziyə gələn nümayəndə heyəti oraya baxış keçirib, erməni terroru qurbanlarının xatirəsini anıb.

Qeyd edək nümayəndə heyətinin bu gün Gəncəyə səfəri başlayıb. Daha əvvəl qonaqlar Gəncədə Ümummilli lider Heydər Əliyevin abidəsini ziyarət ediblər. Nizami məqbərəsində olan nümayəndə heyəti şairin məzarını ziyarət edib, məqbərə ilə tanış olublar.