Füzuli aeroportunun açılması ilə mühüm hava nəqliyyatı marşrutu reallaşdırılıb - Ərdoğan Siyasət

Füzuli aeroportunun açılması ilə mühüm hava nəqliyyatı marşrutu reallaşdırılıb - Ərdoğan

Azərbaycanın uğurlarına ən az azərbaycanlı qardaşlarımız kimi biz də sevinirik. Türkiyə olaraq Azərbaycanın bu cür layihələrində iştirak etməkdən qürur duyuruq.

Trend-in məlumatına görə, bunu Türkiyə Prezidenti Rəcəb Tayyib Ərdoğan Azərbaycana səfəri başa çatdıqdan sonra jurnalistlərə açıqlamasında deyib.

O bildirib ki, Füzuli və Zəngilan rayonlarına səfəri zamanı azad edilmiş ərazilərdə aparılan yenidənqurma və abadlıq işləri ilə yaxından tanış olub.

R.T.Ərdoğanın sözlərinə görə, Füzuli beynəlxalq hava limanının açılması ilə mühüm hava nəqliyyatı marşrutu reallaşdırılıb: "Hava limanı təkcə Azərbaycan üçün deyil, bütün Cənubi Qafqaz üçün hava nəqliyyatı baxımından əlavə dəyər yaradacaq potensiala malikdir".