Ermənistan və Azərbaycan Rusiyanın vasitəçiliyi ilə dəmir yolunun tikintisi və bərpasına, bununla da regionda kommunikasiyaların açılmasına çox yaxındır.

Trend-in Ermənistan KİV-inə istinadən məlumatına görə. bunu ölkənin baş naziri Nikol Paşinyan hökumətin iclasında deyib.

O bildirib ki, Rusiya baş nazirinin müavini Aleksey Overçuk və "Rusiya Dəmir Yolları" şirkətinin baş direktoru Oleq Belozerov Ermənistan baş nazirinin müavini Mger Qriqoryanla danışıqlar keçirib.

"Vurğulamaq lazımdır ki, biz kommunikasiyaların açılması üzrə üçtərəfli işçi qrupunun fəaliyyətinin ilk praktiki nəticəsini qeydə almağa çox yaxınıq. Dünənki görüş Arazdəyən-Culfa-Ordubad-Mehri-Horadiz dəmir yolunun tikintisinin başlanmasına həsr olunmuşdu", - deyə N.Paşinyan bildirib.