

11 İyul 16:12
11 İyul 13:56
11 İyul 13:26
Evin zindanında saxlanılan Tehran Avtobus Şirkəti İşçilərinin Həmkarlar İttifaqı İdarə Heyətinin üzvlərindən olan Rza Şəhabinin sağlıq durumu ağırlaşdığı üçün xəstəxanaya yerləşdirilib.
Şəhabinin üzvü olduğu Həmkarlar İttifaqından bildiriblər ki, həkimlər onun durumunun ağır olduğunu və təcili əməliyyat edilməsinin vacibliyini deyiblər.
Rza Şəhabi bundan öncə həbs edildiyi zaman məmurlar tərəfindən döyüldüyü üçün fəqərə sütunu və boyun nahiyəsindən ağır xəsarət alıb.
Mayın 12-də həbs edilən fəal əslən Şərqi Azərbaycan əyalətinin Şəbistər şəhərindəndir və Tehran Avtobus Sürücüləri Birliyinin fəal üzvüdür.
O, saxlanıldıqdan sonra təcridxanaya köçürülüb və təhlükəsizlik məmurları tərəfindən işgəncə edilərək dindirilib.
Rza Şəhabi bundan öncə dinc fəaliyyətlərinə görə 6 il məhkumluq həyatı yaşayıb.
Gunaz.tv