Təbriz Universitetinin xanım tələbəsi Sədəf Heydəri heç bir hökm göstərilmədən Universitetdən qovulub və təhsilinə qadağa qoyulduğu bildirilib.

Gunaz.tv

Bu barədə onun yaxınları məlumat verib.

Məmurlar Heydərinin Təbriz Universitetinin yataqxanasındakı otağına hücum edib, axtarış aparıb və ona məxsus bir sıra əşyaları müsadirə edib, tələbəni isə oradan çıxarıblar.

Məmurlar və Universitet rəhbərliyi Sədəf Heydərinin Universitetdən və yataqxanadan qovulması səbəbləri ilə bağlı məlumat verməyiblər.

Azərbaycanlı tələbənin yaxınları ilsə onun İbrahim Rəisinin ölümü ilə bağlı paylaşımlarına görə cəzalandırıldığını deyirlər.

Qeyd edək ki, Sədəf Əkbəri bundan əvvəl 2022-ci ilin sentyabr etirazlarında da həbs edilib və təzyiqlərə məruz qalıb.