ABŞ Dəniz Piyadaları Korpusunun F/A-18C Hornet qırıcı-bombardmançılarından ibarət eskadrilya Polşanın Lask şəhərindəki aviabazaya gəlib.

Bu barədə ABŞ HHQ Avropadakı Komandanlığı məlumat yayıb.

Dəniz Piyadaları Korpusunun 2-ci Hava Qanadının qırıcıları Polşaya ABŞ-ın Beaufort Hərbi Hava Qüvvələri bazasından (Cənubi Karolina) göndərilib. Eyni zamanda, Lask şəhərindəki aviabazaya yanacaqdolduran KC-130J Hercules təyyarələri gəlib.

"Qırıcıların Şərqi Avropaya göndərilməsi NATO-nun kollektiv müdafiəsini dəstəkləmək məqsədi daşıyır", - qurumun məlumatında vurğulanır.