Ukraynanın Buça şəhərində Rusiya Ordusunun geri çəkilməsindən sonra 403 dinc sakinin meyiti aşkarlanıb.

APA Rbc.ua saytına istinadən xəbər verir ki, bu barədə şəhər meri Anatoli Fedorçuk keçirdiyi brifinqdə deyib.
O, təkcə bu gün 60 nəfərin cəsədinin aşkar olunduğunu bildirib: “Ümid edirik ki, itkin düşənlər sağ tapılacaq. Amma güman ki, onların cəsədləri yaşayış məntəqələri arasında aşkar ediləcək. Sakinlər onların həmin ərazilərə necə aparıldığını görüblər".

Fedorçuk şəhərdə və ətraf ərazilərdə minatəmizləmə işlərinin də aparıldığını qeyd edib.