Moskvada yaxın vaxtlarda “Luqansk Xalq Respublikası” və “Donetsk Xalq Respublikası” səfirlikləri açılacaq.

Bu barədə diplomatik mənbə “RİA Novosti“yə məlumat verib.
Məlumata görə, proses bir-iki ay ərzində baş tuta bilər.

“Çalışacağıq ki, yaxın vaxtlarda bunu edək, nə qədər tez olsa, bir o qədər yaxşıdır. Biz konkret işlə məşğuluq”, - deyə mənbə bildirib.

Qeyd edək ki, fevralın 22-dən etibarən Rusiya “Luqansk və Donetsk Xalq Respublikaları”nın müstəqilliyini tanıdıqdan sonra onlarla diplomatik əlaqələr qurub.