Aİ xarici işlər nazirləri Rusiyaya qarşı sanksiyaların altıncı paketi ilə bağlı ortaq mövqeyə gələ bilməyiblər.

Bu barədə Avropa diplomatiyasının rəhbəri Josep Borrell bildirib.

"Biz altıncı paketlə bağlı razılığa gələ bilmədik. Bu məsələ Aİ ölkələrinin daimi nümayəndələrinə qaytarılacaq, onlar müzakirəni davam etdirəcəklər", - o, Brüsseldə mətbuat konfransında deyib.
J. Borrel bildirib ki, problem əvvəlki kimi neft embarqosu ilə bağlı fikir ayrılığıdır.

Bundan əvvəl daimi nümayəndələr artıq Rusiyaya qarşı sanksiyalar paketini razılaşdırmağa uğursuz cəhddən sonra, məsələ XİN başçılarının baxılması üçün qaldırılmışdır.