Almaniya dünyada ərzaq təhlükəsizliyinin təmin edilməsinə bu il 4 milyard avro ayıracaq.

Bunu Almaniyanın xarici işlər naziri Annalena Berbok BMT-də ərzaq təhlükəsizliyinə dair keçirilən konfransda deyib.

"Almaniya bu il ərzaq təhlükəsizliyi üçün 4 milyard avro ayırır. Almaniya hakimiyyət orqanları bu maliyyə limitlərindən kənara çıxmağa hazırdır", - deyə nazir bildirib.
"Acı həqiqət ondan ibarətdir ki, qlobal ərzaq böhranı bir neçə saatda həll edilə bilməz. Aclığa səbəb olan bütün amillərə diqqət yetirməliyik", - deyə XİN rəhbəri bildirib.