Filippinin növbəti administrasiyası Rusiya və Ukrayna münaqişəsində neytral mövqe tutacaq. Bu barədə respublikanın milli təhlükəsizlik üzrə müşaviri Klarita Karlos məlumat verib.
Onun sözlərinə görə, o, yeni seçilmiş prezident Ferdinand Markos-a davam edən silahlı münaqişə ilə bağlı sanksiyalar mexanizmlərinə qoşulmağı məsləhət görməyəcək. ABS-CBN media qrupu onun sözlərini sitat gətirib: "Biz neytral mövqe tutacağıq. Biz əvvəldən bunu edirik və bizim Rusiya ilə güclü münasibətimiz var".
“Rusiya bizi çox ehtiyac duyduğumuz neft və qazla təmin edə bilər”, o əlavə edib.

Xatırladaq ki, nayın 9-da Filippində seçkilər keçirilib. 70 min seçki məntəqəsində filippinlilər təkcə respublikanın yeni prezidentinə deyil, həm də vitse-prezidentə, senatorlara, konqresmenlərə səs veriblər. Ölkənin hazırkı lideri, konstitusiyaya görə yenidən seçilə bilməyən 77 yaşlı Rodriqo Duterte iyunun 30-da postunu tərk edəcək. Həmin gün kiçik Markosun andiçmə mərasimi keçiriləcək.
Cavid