Dünyada koronavirusa yoluxanların sayı 540 milyonu, yoluxma nəticəsində ölənlərin sayı isə 6,32 milyonu ötüb.

Bu barədə Ümumdünya Səhiyyə Təşkilatının bazar ertəsi yaydığı məlumatda deyilir.

Qeyd olunur ki, pandemiyanın başlamasından indiyədək 540 923 532 nəfər infeksiyaya yoluxub, onlardan 6 325 785 nəfər ölüb.
Beləliklə, təşkilatın son bülleteninin dərc edildiyi iyunun 23-dən sonra yoluxanların sayı 1 590 289 nəfər, ölənlərin sayı 2 989 nəfər artıb.

Dünya ölkələri arasında koronavirusa yoluxmuş insanların sayına görə ABŞ 85 673 420 yoluxma sayı ilə ilk pillədə qərarlaşıb. İlk üçlüyə Hindistan (43 407 046) və Braziliya (31 890 733) daxildir.