Böyük Britaniyanın Baş naziri Rişi Sunak Misirdə keçiriləcək COP-27 iqlim sammitində iştirak etməyə qərar verib.

AZƏRTAC xəbər verir ki, Rişi Sunak 6-18 noyabr tarixlərində Misirin Şarm-Əl-Şeyx şəhərində keçiriləcək COP-27 sammitində iştirak etməyəcəyini açıqlamışdı. O, hökumətin yeni maliyyə planının hazırlanması da daxil olmaqla, digər məsələlərlə bağlı təcili öhdəlikləri səbəbindən Misirə səfər etməyəcəyini bildirmişdi.

Lakin Sunak bu gün parlamentdəki çıxışı zamanı sammitə yollanacağını elan edib. Baş nazir söyləyib ki, “Qlazqonun təhlükəsiz, təmiz və davamlı gələcək qurmaq mirasını davam etdirmək üçün COP-27 iştirak edəcəyəm”.

Eks Baş nazir Boris Conson da COP-27-də iştirak edəcəyini açıqlayıb.

Böyük Britaniya keçən il Qlazqoda keçirilən COP-26 ev sahibliyi etmişdi.