Alman təhqiqatı Rusiyanın “Şimal axını” və “Şimal axını 2” qaz kəmərlərində təxribatda iştirakının ilkin versiyasına inanmayıb. ABŞ da Rusiya Federasiyasının məsuliyyətinə inanmır.

"Xalq Cəbhəsi" xəbər verir ki, bu barədə “The Wall Street Journal” qəzeti kəşfiyyatın son tapıntıları ilə bağlı hesabatla tanış olan administrasiyanın adı açıqlanmayan rəsmilərinə istinadən yazıb.

Qəzet aydınlaşdırır ki, alman müstəntiqləri 2023-cü ilin fevralına kimi Rusiyanın bu işə qarışmadığı qənaətinə gəliblər.

Eyni zamanda, nəşr göstərir ki, Vaşinqton əvvəlcə “Şimal axını”nda partlayışların arxasında Ukrayna hakimiyyətinin ola biləcəyi ehtimalını ciddi şəkildə nəzərdən keçirib. Bu versiya, xüsusən də MKİ direktoru Uilyam Berns və Amerika Prezidentinin Milli Təhlükəsizlik üzrə köməkçisi Ceyk Sallivan tərəfindən 2022-ci ilin oktyabrında öyrənilib.

ABŞ hesab edir ki, Ukrayna bu əməliyyatı həyata keçirə bilib. Ukrayna hakimiyyətinin təxribatda iştirakını göstərən heç bir məlumat yoxdur, qəzet yazır və belə bir məlumatın ortaya çıxmasının Kiyev və Berlin arasında münasibətlərin əhəmiyyətli dərəcədə pisləşməsinə səbəb ola biləcəyini qeyd edir.

Cavid