Türkiyədə Avropanın ən böyük günəş elektrik stansiyası istifadəyə verilib Dünya

Türkiyədə Avropanın ən böyük günəş elektrik stansiyası istifadəyə verilib

"Kalyon Energy"nin 1360 meqavat gücündə Karapınar Günəş Elektrik Stansiyasının (GES) açılış mərasimi keçirilib. Karapınar GES böyüklüyünə görə Avropada birinci, dünyada isə beşinci yerdədir.

Trend-in məlumatına görə, Karapınar GES iqlim dəyişikliyi, əkinçilik və düzgün olmayan suvarma nəticəsində səhraya çevrilən Konya Acıgöl hövzəsi kimi tanınan ərazidə qurulub. 20 milyon kvadratmetr ərazidə 3 milyon 256 min 38 günəş paneli yerləşdirilib.

Karapınar GES nə qədər elektrik istehsal edəcək?

1360 meqavat gücündə olacaq elektrik stansiyası ildə 3 milyard kilovat-saat elektrik enerjisi istehsal edəcək. O iki milyon insanın illik məişət elektrik enerjisinə ehtiyacını ödəyəcək. Hər il 2 milyon ton qalıq yanacaq və karbon emissiyasının qarşısı alınacaq.