Səudiyyə Ərəbistanı hakimiyyəti Dəməşqlə ərəb ölkələri arasında münasibətlərin normallaşmasına görə Suriyadakı səfirliklərinin işini bərpa etmək qərarına gəliblər.

Trend-in məlumatına görə, bu barədə krallığın Xarici İşlər Nazirliyi öz "Twitter" səhifəsində bildirib.
"Səudiyyə Ərəbistanı və Suriya xalqlarını birləşdirən qardaşlıq əlaqələrini nəzərə alaraq, ümumərəb fəaliyyətlərinin inkişafına və regionda sülhün və təhlükəsizliyin möhkəmləndirilməsinə töhfə verməyə çalışaraq, Suriya nümayəndələrinin Ərəb Dövlətləri Liqası Şurasının iclaslarında iştirakını bərpa etmək qərarını nəzərə alaraq, Səudiyyə Ərəbistanı Suriyadakı diplomatik nümayəndəliyini yenidən açmaq qərarına gəlib", - deyə qeyd olunub.