Rusiyanın Kamçatka sahillərində 5,5 bal gücündə zəlzələ qeydə alınıb.

Trend-in məlumatına görə, bu barədə Rusiya Elmlər Akademiyasının Vahid Geofizika Xidmətinin regional bölməsinin saytında bildirilib.
Zəlzələnin ocağı 53 km dərinlikdə və Milkovo kəndindən 199 km aralıda yerləşib. Rusiya Fövqəladə Hallar Nazirliyinin regional Baş İdarəsinin saytında verilən məlumata görə, zəlzələ Kronotski körfəzi sularında 47 km dərinlikdə baş verib və seysmik hadisənin maqnitudası 5,6 olub.