Qərbi Afrika Ölkələri İqtisadi Birliyi (ECOWAS) qüvvələrinin Nigerə hərbi müdaxiləsi zaman məsələsidir.

APA xəbər verir ki, bu barədə Nigerin xarici işlər və əməkdaşlıq naziri Asumi Məsudu “El Pais” nəşrinə müsahibəsində bildirib.
Nazirin sözlərinə görə, hərbi müdaxilənin qarşısını almağın yeganə yolu üsyançıların hakimiyyəti tərk etməsidir. ECOWAS artıq ölkəyə hərbi müdaxilə etmək barədə qərar qəbul edib və aparılan danışıqlar uğursuz olarsa, yaranmış vəziyyətin hərbi yolla nizamlanması qaçılmazdır.

Xatırladaq ki, bir müddət öncə ECOWAS rəsmiləri Nigerə hərbi müdaxilə barədə qərar qəbul edilib və dəqiq tarixi də müəyyən edilib, lakin hələlik açıqlanmır.

Həmçinin əlavə olunub ki, hərbi müdaxilə qısamüddətli olacaq və ölkədə konstitusiya quruluşunun bərpasına xidmət edəcək.