Rusiyanın xarici işlər naziri Sergey Lavrov İrana rəsmi səfər edə bilər.

Trend xarici KİV-ə istinadən xəbər verir ki, bu barədə məlumatı İranın XİN rəhbəri Hüseyn Əmir Abdullahian açıqlayıb.

Onun sözlərinə görə, Lavrovun İrana səfəri ilə bağlı razılıq mövcuddur.

Qeyd edək ki, Sergey Lavrov Hüseyn Əmir Abdullahianla BMT Baş Assambleyasının sessiyası çərçivəsində görüş keçirib və tərəflər Cənubi Qafqazdakı vəziyyəti müzakirə ediblər.