Rusiyanın xarici işlər naziri Sergey Lavrov iranlı həmkarı Abbas Arakçı ilə danışıb.

Xalqcebhesi.az xəbər verir ki, bu barədə Rusiya Xarici İşlər Nazirliyi məlumat yayıb.

Məlumata görə, telefon danışığının təşəbbüskarı İran tərəfi olub:

“Telefon danışığı zamanı əsas diqqət Hələb və İdlib vilayətlərində “terror hücumları” da daxil olmaqla, Suriyada vəziyyətin kəskinləşməsinə yönəlib. Tərəflər eskalasiya ilə bağlı ciddi narahatlıqlarını ifadə edib və Suriyanın suverenliyi və ərazi bütövlüyünə dəstəklərini təsdiqləyiblər. Nazirlər vəziyyətin sabitləşdirilməsi üçün birgə səylərin artırılması barədə razılığa gəlib və Astana prosesi çərçivəsində vəziyyətin təcili müzakirəsinin vacibliyini bildiriblər”.