Növbəti həftə Cenevrədə BMT-nin Süni İntellekt üzrə Beynəlxalq Konfransı təşkil olunacaq.

APA xəbər verir ki, bunu XII Qlobal Bakı Forumu çərçivəsində təşkil olunan "Yeni Dünya üçün Yeni Texnologiyalar" adlı paneldə Oksford Universitetinin Süni İntellekti İdarəetmə Təşəbbüsünün baş məsləhətçisi Sem Davs deyib.
O bildirib ki, bu sahədə yeniliklərin geniş tətbiqi üçün bütün maraqlı dövlətlər geniş səylər göstərməlidir:

“Dövlətlər arasında geosiyasi yarışma gedir. Bu sahədə mövcud olan əsas meyarlardan biri sağlam mühit, eləcə də uyğunlaşdırma siyasətinin təmin edilməsindən ibarətdir. Daha bir məqam BMT-nin süni intellektin tətbiqində aparıcı rol oynaması ilə bağlıdır. Bu sahədə qarşıda duran daha bir vəzifə yeni çağırışların tətbiqi və uyğunlaşdırılmasıdır. Süni zəkadan danışarkən, bu sahədə mövcud olan parçalanmadır. Daha bir məqam süni intellektin hərbi sahədə tətbiqindən ibarədir. Növbəti həftə Cenevrədə BMT-nin Süni İntellekt üzrə Beynəlxalq Konfransı təşkil olunacaq. Hesab edirik ki, süni zəka ilə bağlı mexanizmlər təkmilləşdirilməlidir”.