İngiltərə Xarici İşlər Nazirliyinin verdiyi son səyahət xəbərdarlığında Cammu və Kəşmirə səyahət etməmək tövsiyə edilib.

Xalqcebhesi.az-ın “TRT Haber”ə istinadən xəbərinə görə, Wagah-Attari Sərhəd Qapısının bağlı olduğu və paytaxtı İmfal da daxil olmaqla Manipur əyalətinə zəruri olmayan səyahətlərə qarşı xəbərdarlıq edilib. 2023-cü ildə ölkədə baş verən şiddətli etnik toqquşmalardan sonra Manipuranın bəzi bölgələrində komendant saatı və məhdudiyyətlərin davam etdiyinə diqqət çəkən Nazirlik, hadisələrin fasilələrlə davam etdiyini və 2024-cü ilin sentyabrında daha da artdığını bildirib.

Qeyd edək ki, öncəki gün Hindistanın idarəsindəki Cammu və Kəşmirin Pahalqam bölgəsində silahlı şəxslərin turistlərə atəş açması nəticəsində 26 nəfəri ölüb, çox sayda insan yaralanıb.