İsrail ordusu gecə boyu Qəzzada evləri, köçkün fələstinlilərin çadırlarını və mülki əhalinin toplaşdığı yerləri bombalayıb.

Xalqcəbhəsi.az “Anadolu” Xəbər Agentliyinə istinadla bildirir ki, İsrailin hücumlarında əksəriyyəti qadın və uşaq olmaqla 40 fələstinli həyatını itirib.

Fələstinin WAFA xəbər agentliyinin məlumatına görə, İsrail ordusu Qəzzanın Xan Yunus şəhərində bir neçə evi bombalayıb. Xan Yunusdə həyatını itirən ən azı 27 nəfərin və yaralıların cəsədi şəhərdəki Nasser xəstəxanasına gətirilib.

Qeyd edilir ki, İsrail ordusu həmçinin Xan Yunusun əl-Karara bölgəsinin şərqində yerləşən Əbu Heddaf ərazisini də bombalayıb.