İranın qərb və mərkəzi bölgələrində hava məkanı bağlanıb.
Xalqcebhesi.az xəbər verir ki, İran çərşənbə axşamı beynəlxalq tranzit uçuşlara açdığı qərb və mərkəzi bölgələrdəki hava məkanının yenidən bağlandığını açıqlayıb.
İran Yol və Şəhərsalma Nazirliyi, Mülki Aviasiya Təşkilatının Koordinasiya Komitəsinin qərarı və mövcud təhlükəsizlik vəziyyətinə dair aparılan qiymətləndirmələrdən sonra bu bölgələrdə beynəlxalq tranzit uçuşlara icazənin verilmədiyini bildirib.
Təbriz və Tehranı da əhatə edən şimal, cənub və qərb bölgələrində daxili və xarici reyslərin dayandırılması qərarı sabah saat 14:00-dək uzadılıb.
Bununla yanaşı, ölkənin şərq bölgəsindəki hava məkanının isə bütün uçuşlara açıq olduğu bildirilib.

Məryəm Quliyeva