Ukrayna ordusunun paytaxt Moskva da daxil olmaqla Rusiyanın müxtəlif şəhərlərinə həyata keçirdiyi pilotsuz uçuş aparatları (PUA) hücumları nəticəsində 287 uçuşun ləğv edildiyi bildirilib.

Xalqcebhesi.az xəbər verir ki, Rusiya Federal Hava Nəqliyyatı Agentliyi (Rosaviatsiya) tərəfindən verilən yazılı açıqlamada, əvvəlki gündən etibarən ölkədə PUA hücumlarının davam etdiyi və bunun hava nəqliyyatına ciddi təsir etdiyi qeyd olunub.

Moskva, Sankt-Peterburq və Nijniy Novqorodda yerləşən hava limanlarında ümumilikdə 287 uçuşun ya ləğv edildiyi, ya da təxirə salındığı qeyd olunub.

Rosaviatsiya əlavə edib ki, "ölkənin müxtəlif bölgələrində hava məkanından istifadə ilə bağlı tətbiq edilən müvəqqəti məhdudiyyətlər fonunda daxili hava daşımalarındakı vəziyyət izlənir və nəzarət altındadır."

Məryəm Quliyeva