Rusiyadan verilən açıqlamada, "Kamçatkadakı zəlzələdən sonra baş verən sunami səbəbiylə Severo-Kurilsk şəhərinin bir hissəsi su altında qaldı" deyilib.

ABŞ Geoloji Xidməti (USGS) zəlzələnin episentrinin yarımadanın Petropavlovsk-Kamçatski şəhərindən 119 kilometr cənub-şərqdə olduğunu bildirib.
Açıqlamada zəlzələnin 20 kilometr dərinlikdə meydana gəldiyi və maqnitudasının 8,8 olduğu qeyd olunub.

Bölgədə 6,9 və 6,3 bal gücündə afterşokların da qeydə alındığı zəlzələnin ardından sunami xəbərdarlığı edilib.