Hindistan 2035-ci ilə qədər İsrailin “Dəmir Qübbə” raketdən müdafiə sisteminin analoqu olacaq öz raket “çətirini” yaratmağı planlaşdırır.

Xalqcebhesi.az xəbər verir ki, bu barədə Hindistanın Müdafiə Qərargahının rəisi, general Anil Çauhan bildirib.

O, “Sudarşan çakrası” adlanan kompleksin Hindistan ərazisindəki strateji obyektləri qoruyacağını vurğulayıb.

Generalın sözlərinə görə, raket əleyhinə müdafiə sistemi pilotsuz təyyarələrin və raket əleyhinə qurğuların köməyi ilə yaxınlaşan təhlükələri aşkar edib zərərsizləşdirəcək. Bununla belə, Çauhan sistemin daha ətraflı xüsusiyyətlərini açıqlamayıb.

“Mütəxəssislər xəbərdarlıq edir ki, ABŞ və ya Hindistan kimi böyük ərazilərə malik ölkələr üçün belə bir raketdən müdafiə sistemi qeyri-mümkün ola biləcək və ya siyasi liderlərin axtardığı müdafiəni təmin edə bilməyəcək olduqca bahalı texniki iş olacaq”, - məqalədə deyilir.

Məryəm Quliyeva