Banqladeş üzrə Beynəlxalq Cinayət Tribunalı Banqladeşin keçmiş Baş naziri Şeyx Hasinanı 2024-cü ildə kütləvi iğtişaşların yatırılması zamanı insanlığa qarşı cinayətlər törətdiyinə görə ölüm cəzasına məhkum edib.

Xalqcebhesi.az xəbər verir ki, bu, BTV telekanalının canlı yayımında keçirilən məhkəmə iclasından görünür.

Məhkəmə Şeyx Hasinanı bəşəriyyətə qarşı cinayətin beş maddəsinin hamısında təqsirli bilib. “Biz ona ölüm hökmü çıxarmaq qərarına gəldik”, - deyə hakim bildirib.

Şeyx Hasina məhkəmə zalında deyildi; o, keçən ilin avqustunda baş verən iğtişaşlardan sonra getdiyi Hindistandadır. Banqladeş qanunlarına görə, o, yalnız həbs olunarsa və ya hökmündən sonra 30 gün ərzində hakimiyyət orqanlarına təslim olarsa, apellyasiya şikayəti verə bilər. Keçmiş baş nazir mediaya müsahibələrində dəfələrlə iğtişaşçıların öldürülməsi əmrini vermədiyini bəyan edib və bu göstərişin onun istefasından sonra müvəqqəti hökumətə rəhbərlik etmiş Məhəmməd Yunusdan gəldiyini iddia edib.

2024-cü ilin iyul ayında Banqladeş hökumət əleyhinə etirazlarla dolu idi, tələbələr fəal şəkildə iştirak edir, yüksək işsizlikdən və iqtisadi perspektivlərin olmamasından narazı idilər. Etirazçılarla polis arasında baş verən iğtişaşlar və qarşıdurma nəticəsində 1400-ə yaxın insan həlak olub.

Şeyx Hasina 5 avqust 2024-cü ildə Hindistana yola düşüb. Banqladeşdə ümumi parlament seçkiləri 2026-cı ilin fevralına planlaşdırılıb.

Məryəm Quliyeva