ABŞ Prezidenti Donald Tramp İranın enerji obyektlərinə yeni zərbələrin endirilməsinin əleyhinədir.

Xalqcebhesi.az xəbər verir ki, bu barədə "The Wall Street Journal" (WSJ) qəzeti mənbələrə istinadən məlumat yayıb.

Məlumata görə, Tramp yəhudi dövlətinin (İsrailin) İranın "Cənubi Pars" qaz yatağındakı obyektlərinə planlaşdırdığı hücum barədə əvvəlcədən məlumatlandırılıb və bunu "Hörmüz boğazının bağlanması ilə bağlı Tehrana mesaj" kimi dəstəkləyib.

WSJ iddia edir ki, Tramp İranın bu "siqnalı anladığını" hesab edir və buna görə də hazırda Amerika lideri İranın enerji infrastrukturuna zərbə endirilməsinə qarşı çıxış edir.

Buna baxmayaraq, nəşrin həmsöhbətləri gələcəkdə Trampın öz mövqeyini dəyişə biləcəyini istisna etməyiblər.

Məryəm Quliyeva