Avropa İttifaqı islahatların təşviqi və ikitərəfli əməkdaşlığın dərinləşdirilməsi üçün Ermənistana əlavə 140 milyon avro maliyyə yardımı göstərəcək.

"Armenpress" xəbər verir ki, bu barədə Avropa İttifaqının genişlənmə komissarı Marta Koss İrəvanda Ermənistan Baş nazirinin müavini Mqer Qriqoryan ilə birgə mətbuat konfransında deyib.

Komissarın sözlərinə görə, son illərdə Cənubi Qafqaz vasitəsilə yük daşımalarının həcmində əhəmiyyətli dərəcədə artım müşahidə olunub və bu rəqəm 2022-ci ildən bəri dörd dəfə artıb.