Tehran Vaşinqtonun çərçivə təklifinə razılıq verəcəyi təqdirdə, tərəflər ətraflı saziş üzrə 30 günlük danışıqlara başlayacaqlar. Amerika tərəfinin tələbləri arasında İranın əsas nüvə obyektlərinin sökülməsi və uranın zənginləşdirilməsinə 20 illik moratoriumun qoyulması var.

Xalqcebhesi.az "The Wall Street Journal"-a istinadən xəbər verir ki, ABŞ uranın zənginləşdirilməsinə 20 illik moratorium qoyulmasında və toplanmış bütün zənginləşdirilmiş nüvə materiallarının təhvil verilməsində israr edir. Həmçinin Vaşinqton Tehrandan nüvə silahı əldə etmək istəyindən imtina etdiyini təsdiqləməsini və 2025-ci ilin iyununda ABŞ-ın zərbələrinə məruz qalmış Fordo, Nətənz və İsfahandakı obyektlərin sökülməsini tələb edir.

Bundan əlavə, ABŞ yeraltı nüvə işlərini qadağan etmək və pozuntular baş verəcəyi təqdirdə sanksiya tətbiq etmək imkanı ilə təftiş (inspeksiya) hüququ əldə etmək istəyir.

Məryəm Quliyeva