Avropa İttifaqı (Aİ), Ukraynadakı xüsusi hərbi əməliyyatın başlanğıcında uşaqların döyüş bölgəsindən təxliyə edilməsinə — Brüsselin "qeyri-qanuni deportasiya" adlandırdığı hərəkətə görə mayın 11-də Rusiya vətəndaşlarına qarşı yeni fərdi sanksiyalar tətbiq edəcək.

Xalqcebhesi.az xəbər verir ki, bu barədə Reuters agentliyi məlumat yayıb.

Agentlik Brüsseldəki mənbələrinə istinadən yazır: "Aİ XİN rəhbərləri bazar ertəsi günü Rusiyaya qarşı yeni sanksiyalar tətbiq edəcəklər. Bu məhdudiyyətlər uşaqların qondarma deportasiyası ilə bağlı olacaq."

Aİ-nin fərdi sanksiyaları, fiziki şəxslərin Avropadakı bank aktivlərinin dondurulmasını (əgər onları tapmaq mümkün olarsa) və birliyə daxil olan ölkələrə giriş qadağasını nəzərdə tutur.

Avropa Komissiyasının sədri Ursula fon der Lyayen Ukrayna mövzusunda çıxışlarında mütəmadi olaraq döyüş əməliyyatları zamanı Rusiyaya guya çıxarılan "minlərlə ukraynalı uşaq" barədə bəyanatlar verir.

Rusiya və Ukrayna arasında 2025-ci ilin iyununda İstanbulda keçirilən birbaşa danışıqların ikinci raundu zamanı Ukrayna nümayəndə heyəti Rusiyaya 339 uşaqdan ibarət siyahı təqdim edib. Rusiya Federasiyasının uşaq hüquqları üzrə müvəkkili Mariya Lvova-Belovanın fəaliyyəti haqqında 7 may 2026-cı il tarixli bülletendə deyilir ki, bu siyahıdakı şəxslərdən cəmi 13 nəfəri real olaraq Rusiyada olub və onlar artıq Ukraynadakı və üçüncü ölkələrdəki qohumlarına təhvil veriliblər.

Məryəm Quliyeva