ABŞ qüvvələri Hörmüz boğazında İranın buraxdığı bir neçə pilotsuz uçuş aparatını məhv edib.

"Al Hadath" xəbər verir ki, İran İslam İnqilabı Keşikçiləri Korpusu (SEPAH) boğazdan keçən üçüncü ticarət gəmisini hədəfə alıb.

Hücum zamanı buraxılan bir neçə PUA ABŞ hərbçiləri tərəfindən zərərsizləşdirilib.

"Reuters" agentliyinin məlumatına görə, hücuma məruz qalan gəmilərdən biri Qətərin "Nakilat" şirkətinə məxsus "Al Rekayyat" mayeləşdirilmiş təbii qaz tankeridir. Gəminin sol hissəsinə zərbə dəyib və mühərrik bölməsində yanğın başlayıb.

Mənbələrin bildirdiyinə görə, ekipaj üzvləri təxliyə olunub və onların vəziyyəti qənaətbəxşdir. Lakin yanğının davam etməsi səbəbindən tankerdə partlayış riski qalır. Güclü tüstü və alov digər zədələrin həcmini müəyyən etməyə imkan vermir.