Alimlər planetin təbii resurslarını, biomüxtəlifliyini qorumaq, həmçinin karbon qazı tullantılarını azaltmaq üçün 2200-cü ilə qədər Yer kürəsinin əhalisini iki dəfə azaltmağı təklif ediblər.

Xalqcebhesi.az xəbər verir ki, tədqiqatçılar bu barədə "Sustainable Development" elmi jurnalında dərc olunmuş məqalədə yazıblar.

"Biz 1970-ci ildən bəri qlobal əhali səviyyəsinin (və bunun adambaşına düşən təsirinin) biomüxtəliflik, resurs istehlakı və ətraf mühitin çirklənməsinin səkkiz göstəricisi ilə nə dərəcədə üst-üstə düşdüyünü müəyyən etdik. Oxşar tendensiyaların 1970-ci ildən əvvəl başlamasına baxmayaraq, həmin vaxtdan bəri onlar əhəmiyyətli dərəcədə artıb", — deyə tədqiqatçılar məqalədə qeyd edərək, göstəricilərin yaxşılaşdırılması üçün 2200-cü ilə qədər planetin əhalisini 4 milyard nəfərə və ya daha aza endirməyin vacib olduğu qənaətinə gəliblər.

Alimlərin fikrincə, əhalinin bu sayadək azaldılması vəhşi ekosistemlərə düşən təzyiqi aşağı salacaq və iqlim dəyişikliyinin fəsadlarını yumşaldacaq.

Məryəm Quliyeva