"İraq Kürd Muxtariyyəti yaxın aylarda müstəqillik barədə referendum keçirəcək". Bu sözləri muxtariyyətin lideri Məsud Bərzani türk telekanallarından birinə açıqlama verərkən söyləyib.
O, müstəqilliyin kürdlərin təbii haqqı olduğunu bildirib: "Bu yaxınlarda biz müstəqillik barədə referendum keçirəcəyik. Müstəqillik kürdlərin təbii haqqıdır".
Məsud Bərzani Bağdadı uğursuz siyasət yürütməkdə günahlandırıb: "Bağdadın yürütdüyü uğursuz siyasət nəticəsində İŞİD muxtariyyətin sərhədlərinə yaxın gələ bilib. Kürdlər Bağdadın etdiyi siyasi səhvlərə görə cavab vermək fikrində deyil".