İspaniyada sutka ərzində koronavirusdan 849 nəfər həyatını itirib. Bu, ölkədə bir sutkada rekord ölüm sayıdır.
Bu barədə İspaniya Səhiyyə Nazirliyi məlumat yayıb.
Ümumilikdə İspaniyada indiyə qədər yeni virus səbəbindən 8189 nəfər ölüb. Sutka ərzində koronavirusa yoluxanların sayı 9 min nəfər artaraq 94 min 417-yə çatıb, 19 min nəfər isə sağalıb.
Xatırladaq ki, İspaniya virusa yoluxanların sayına görə ABŞ və İtaliyadan sonra dünyada üçüncü yeri tutur. Mütəxəssislərin fikrincə, COVID-19 epidemiyası İspaniyada İtaliyadan daha sürətli və geniş yayılır.