Rusiya mətbuatı yazır ki, ABŞ Konqresinin Nümayəndələr Palatasının Tənzimləmə Komitəsi Vaşinqtona görə insan hüquqları pozuntuları ilə məşğul olan 35 rusiyalı məmura, iş adamına və jurnalistə qarşı sanksiyaların tətbiq edilməsini tövsiyə edən qanun layihəsini təsdiqləyib.

Siyahıda əsas şəxslər arasında Rusiya Baş naziri Mixail Mişustin, Rusiya Prezidentinin Mətbuat katibi Dmitri Peskov, FSB direktoru Alexandr Bortnikov, “Rosgvardia”nın direktoru Viktor Zolotov, Rusiya İstintaq Komitəsinin rəhbəri Alexander Bastrykin, Rusiya Səhiyyə naziri Mixail Muraşko, Moskva Bələdiyyə Başçısı Sergey Sobyanin adları var.
Bundan əlavə, ABŞ-ın yeni sanksiyalarına iş adamları Roman Abramoviç, “Rosneft”in rəhbəri İqor Seçin, “Qazprom”un rəhbəri Aleksey Miller, MIA Rossiya Segodnya və RT telekanalının baş redaktoru Margarita Simonyan, Birinci Kanalın rəhbəri Konstantin Ernst və bir sıra başqaları düşə bilər.

Cavid