Kollektiv Təhlükəsizlik Müqaviləsi Təşkilatı (KTMT) Qazaxıstandakı vəziyyəti xaricdən təlim keçmiş quldur birləşmələrinin işğalı kimi qiymətləndirir.

"KTMT katibliyi Qazaxıstan tərəfindən yardım üçün müraciətin daxil olduğunu təsdiqləyir. Müraciətdə deyilir ki, bu vəziyyət xaricdən təlim keçmiş quldur birləşmələrinin işğalı kimi qiymətləndirilir", - təşkilatın saytında dərc olunmuş bəyanatda deyilir.

Qazaxıstan Kollektiv Təhlükəsizlik Şurasının üzvləri ilə məsləhətləşmələr aparıb və üzv dövlətlərin başçılarından hərbi yardım istəyib.

"KTMT-nin Kollektiv Təhlükəsizlik Şurası ölkədə vəziyyəti sabitləşdirmək və normallaşdırmaq üçün KTMT-nin kollektiv sülhməramlı qüvvələrinin məhdud müddətə Qazaxıstan Respublikasına göndərilməsi barədə qərar qəbul edib”, - məlumatda deyilir.
Cavid