Ermənistan ombudsmanı qadın hərbçilərlə bağlı Müdafiə Nazirliyinə müraciət edəcək Dünya

Ermənistan ombudsmanı qadın hərbçilərlə bağlı Müdafiə Nazirliyinə müraciət edəcək

Ermənistan ordusunda qadın zabitlərlərin sayı azlıq təşkil edir, ailə quran qadınlara hərbi xidmət stajına görə güzəştlər edilmir.

APA “Sputnik Armenia”ya istinadən xəbər verir ki, bu barədə Ermənistan ombudsman aparatının araşdırmasının araşdırmasında deyilir.
Ombudsman Arman Tatoyan qanunvericilikdə hərbi xidmət stajında analıq məzuniyyətinin nəzərə alınmadığını bildirib.

O həmçinin, hərbi xidməti davam etdirmək üçün uşağa 3 yaşına çatana qədər qulluq üçün məzuniyyət götürməyən qadınlara hər hansı güzəştlərin olmamasına etiraz edib.

Digər ölkələrdə olduğu kimi hamilə qadınlara xüsusi formanın verilməməsi, qadınların xidmət keçə biləcəyi hərbi ixtisaslar üzrə hüquqi aktların olmaması və hər iki üzvü hərbçi olan ailələrin eyni hərbi hissədə xidmət keçməsi üçün şəraitin yaradılmaması qanunvericilikdəki boşluqla əlaqələndirilib.

Ommudsman aparatı bu məsələlərlə bağlı təklifləri parlamentə və Müdafiə Nazirliyinə ünvanlayacaq.