İlkin məlumatlara görə, bu gün 137 ukraynalı hərbçi və mülki şəxs həlak olub, daha 316 nəfər yaralanıb.

Bunu Ukrayna prezidenti Vladimir Zelenski Telegram-kanalında yerləşdirilmiş müraciətində bildirib.

O, vurğulayıb ki, Kiyevi tərk etməyib və hazırda iqtidarın digər təmsilçiləri ilə paytaxtın hökumət məhəlləsindədir.

"Mən mərkəzi hakimiyyətin işi üçün lazım olan hər kəslə birlikdə hökumət məhəlləsindəyəm", V. Zelenski bildirib.

O əlavə edib ki, Rusiya ilə Ukraynanın neytral statusunu müzakirə etməkdən çəkinmir.