Daxili Qoşunların giziri yol qəzasında ölüb Hadisə

Daxili Qoşunların giziri yol qəzasında ölüb

Bakıda ölümlə nəticələnən yol qəzası baş verib. Binəqədi rayon Polis İdarəsindən APA-ya verilən məlumata görə, hadisə Novxanı qəsəbəsi ərazisində qeydə alınıb.
Bakı şəhər sakini Nicat Babazadənin idarə etdiyi "Opel" markalı, 99 EP 188 dövlət nömrə nişanlı avtomobil yolun əks istiqaməti ilə hərəkətdə olan Rəşad Babayevin idarə etdiyi "Mitsubishi Pajero" markalı, 50 CJ 609 dövlət nömrə nişanlı maşınla toqquşub. Nəticədə N. Babazadə aldığı xəsarətdən hadisə yerindəcə keçinib.
Polisdən bildirilib ki, qəzada dünyasını dəyişən N. Babazadə Daxili Qoşunların giziri olub. Faktla bağlı araşdırma aparılır.