Tədrisi digər dillərdə aparılan məktəblərdə Azərbaycan dili fənni üzrə dərs saatları artırılacaq.

Bu sözləri elm və təhsil naziri Emin Əmrullayev mətbuat konfransında çıxışı zamanı deyib.

Nazir bildirib ki, birinci sinifdən 9-cu sinfədək sözügedən məktəblərdə Azərbaycan dili fənni üzrə həftəlik dərs saatlarının sayı 3 saatdan 4 saata çatdırılacaq.

Onun sözlərinə görə, məqsəd həmin məktəblərdə şagirdlərin anlama, danışma, oxu və yazı bacarıqlarını artırmaqdır.