Biz məktəbin nəticəsinə baxmırıq, bizim üçün təhsilin səviyyəsi önəmlidir.

Bunu elm və təhsil naziri Emin Əmrullayev mətbuat konfransında çıxışı zamanı deyib.

Nazir bildirib ki, məqsəd hər bir azərbaycanlı şagirdin gələcəkdə təmayül təhsil modeli vasitəsilə ali təhsil müəssisəsinə qəbul olmaq imkanının yaradılmasıdır:

“Gələcəkdə ali təhsil müəssisəsinə getmək istəyən şagird gəlib təmayül sinfində təhsil ala bilər. Amma kim istəyirsə repetitor yanına gedir, onda da bizim problemimiz yoxdur. Uşaqların adı məktəbdədir, amma özü repetitor yanındadır. Bu, səhvdir. Biz bunu həll etmək istəyirik”.

O qeyd edib ki, təmayül siniflərinin əsas məqsədi şagirdlərin təhsil səviyyəsini yüksəltmək və onları ali təhsilə daha yaxşı hazırlamaqdır.