2020-ci ilin yanvar-iyul aylarında Türkiyədən Azərbaycana dənli və paxlalı bitkilərin ixracı 2019-cu ilin eyni dövrü ilə müqayisədə 30,59 faiz artaraq 60,892 milyon dollar təşkil edib.

Bu barədə Türkiyə Ticarət Nazirliyindən bildiriblər.

İyul ayında Türkiyədən Azərbaycana dənli və paxlalı bitkilərin ixracı 2019-cu ilin iyulu ilə müqayisədə 1,51 faiz artıb və 5,826 milyon dollara bərabər olub.

Yanvar-iyul aylarında Türkiyənin dünya bazarlarına dənli və paxlalı bitki ixracı 2019-cu ilin eyni dövrü ilə müqayisədə 7,2 faiz artaraq 4,063 milyard dollar təşkil edib.

Dənli və paxlalı bitki ixracının Türkiyənin bu müddət ərzində ümumi ixracında payı 4,5 faizə bərabər olub.

Son 12 ay ərzində (iyul 2019 - iyul 2020) Türkiyə 7,06 milyard dollar məbləğində dənli və paxlalı bitki ixrac edib.