ABŞ Prezidentinin xüsusi nümayəndəsi Stiv Uitkoffun BMT-də İranın Xarici İşlər naziri Abbas Əraqçi ilə görüşü Amerika tərəfinin təşəbbüsü ilə baş tutub; İran naziri Tehranın Hörmüz boğazı ilə bağlı mövqeyini bəyan edib.

Xalqcebhesi.az xəbər verir ki, bu barədə İranın İRİB dövlət telekanalı məlumat yayıb.

Telekanalın məlumatına görə, belə bir danışığın təşkilini Uitkoff özü xahiş edib.

İran mediası qeyd edir ki, Əraqçi həmsöhbətinə xatırladıb: Tehran Hörmüz boğazını gəmiçilik üçün yalnız ABŞ-nin İrana qarşı dəniz blokadasına son qoyulacağı, Tehranın dondurulmuş aktivlərinin qaytarılacağı və "bütün cəbhələrdə", o cümlədən Livan üzrə hərbi əməliyyatların dayandırılacağı təqdirdə açmağa hazırdır.

Əvvəllər İran tərəfi bu şərtləri artıq bir neçə dəfə səsləndirib.

Uitkoff və Əraqçi arasında görüş çərşənbə axşamı BMT Baş Assambleyası çərçivəsində baş tutub. İlkin olaraq bu barədə Amerika tərəfi məlumat yaymışdı.

Məryəm Quliyeva